Սաղմոս 8 — Աստծո փառքը և մարդու արժանապատվությունը

1 Ո՛վ Տեր, մեր Տե՛ր, որքա՜ն փառավոր է Քո անունը ամբողջ երկրի վրա։ Դու Քո փառքը երկինքներից էլ վեր բարձրացրիր։ 2 Մանուկների և ծծկերների բերանով զորությունդ հաստատեցիր Քո թշնամիների դեմ, որպեսզի լռեցնես թշնամուն և վրիժառուին։ 3 Երբ նայում եմ Քո երկինքներին՝ Քո մատների գործին, լուսնին և աստղերին, որոնք Դու հաստատեցիր, 4 էլ ի՞նչ է մարդը, որ հիշում ես նրան, և մարդու որդին, որ այցելում ես նրան։ 5 Դու նրան քիչ ցածր դրեցիր երկնային էակներից և փառքով ու պատվով պսակեցիր նրան։ 6 Դու նրան իշխանություն տվեցիր Քո ձեռքերի գործերի վրա և ամեն բան նրա ոտքերի տակ դրեցիր, 7 բոլոր ոչխարներն ու եզները և նաև դաշտի գազանները։ 8 երկնքի թռչունները, ծովի ձկները և այն ամենը, որ անցնում է ծովի ճանապարհներով։ 9 Ո՛վ Տեր, մեր Տե՛ր, որքա՜ն փառավոր է Քո անունը ամբողջ երկրի վրա։