Սաղմոս 1 — Ճշմարիտ երջանկությունը

1 Երանելի է այն մարդը, որ ամբարիշտների խորհրդով չի գնում, մեղավորների ճանապարհին չի կանգնում և ծաղրողների աթոռին չի նստում։ 2 Այլ նրա հաճությունը Տիրոջ օրենքի մեջ է և Նրա օրենքի մասին խորհում է ցերեկ ու գիշեր։ 3 Նա կլինի ջրերի հոսանքների մոտ տնկված ծառի պես, որ իր պտուղը տալիս է իր ժամանակին և որի տերևը չի թառամում։ Եվ ամեն ինչ, որ նա անում է, կհաջողվի։ 4 Ամբարիշտներն այսպես չեն, այլ նման են հարդի, որ քամին ցրում է։ 5 Դրա համար ամբարիշտները դատաստանի ժամանակ չեն կանգնի, ոչ էլ մեղավորները՝ արդարների ժողովում։ 6 Որովհետև Տերը ճանաչում է արդարների ճանապարհը, իսկ ամբարիշտների ճանապարհը կկորչի։