Սաղմոս 4 — Երեկոյան աղոթք օգնության համար

1 Երբ կանչեմ, պատասխանի՛ր ինձ, ո՛վ իմ արդարության Աստված։ Նեղության մեջ ինձ ազատեցիր։ Ողորմի՛ր ինձ և լսի՛ր իմ աղոթքը։ 2 Մարդկանց որդինե՛ր, մինչև ե՞րբ պիտի իմ փառքն ամոթ դարձնեք, ունայնություն սիրեք և սուտ որոնեք։ 3 Իմացե՛ք, որ Տերը Իր համար առանձնացրել է բարեպաշտին։ Տերը կլսի, երբ կանչեմ Նրան։ 4 Բարկանալիս մի՛ մեղանչեք։ Խորհեցե՛ք ձեր սրտերում ձեր անկողիններում և լռե՛ք։ 5 Արդարության զոհեր մատուցե՛ք և Տիրոջն ապավինե՛ք։ 6 Շատերն ասում են. «Բարին ո՞վ ցույց կտա մեզ»։ Բարձրացրո՛ւ մեզ վրա Քո երեսի լույսը, ո՛վ Տեր։ 7 Դու իմ սրտում ավելի մեծ ուրախություն դրեցիր, քան նրանց՝ իրենց ցորենի ու գինու առատության ժամանակ։ 8 Խաղաղությամբ կպառկեմ և իսկույն կքնեմ, որովհետև Դու ես միայն ո՛վ Տեր, ինձ ապահովության մեջ բնակեցնում։