Սաղմոս 13 — Աղոթք օգնության համար

1 Մինչև ե՞րբ, Տե՛ր, պիտի բոլորովին մոռանաս ինձ։ Մինչև ե՞րբ պիտի ծածկես Քո երեսն ինձանից։ 2 Մինչև ե՞րբ պիտի հոգս անեմ իմ հոգում և ամեն օր տրտմություն ունենամ իմ սրտում. մինչև ե՞րբ պիտի ինձ վրա բարձրանա իմ թշնամին։ 3 Նայի՛ր և պատասխանի՛ր ինձ, ո՛վ Տեր, իմ Աստված։ Լուսավորի՛ր իմ աչքերը, որ չննջեմ մահվան մեջ։ 4 Որպեսզի իմ թշնամին չասի. «Հաղթեցի նրան», և իմ հակառակորդները չցնծան, թե սասանվեցի իմ տեղից: 5 Բայց ես Քո ողորմությանն ապավինեցի։ Իմ սիրտը կցնծա Քո փրկությամբ։ 6 Ես պիտի երգեմ Տիրոջը, որ բարիք արեց ինձ։