Սաղմոս 2 — Աստծո ընտրած թագավորը

1 Հեթանոսներն ինչո՞ւ խռովվեցին, Եվ ժողովուրդները դատարկ բաներ խորհեցին: 2 Երկրի թագավորները վեր կացան և իշխանները միասին խորհուրդ արեցին Տիրոջ ու Նրա Օծյալի դեմ՝ ասելով. 3 «Կտրենք նրանց կապանքները և մեզնից թոթափե՛նք նրանց լուծը»։ 4 Բայց երկնքում բնակվողը ծիծաղելու է նրանց վրա, Տերն արհամարհելու է նրանց։ 5 Այն ժամանակ Իր բարկությամբ կխոսի նրանց հետ և Իր զայրույթով կխռովեցնի նրանց՝ ասելով. 6 «Բայց Ես Իմ Թագավորին հաստատեցի Իմ սուրբ Սիոն լեռան վրա»։ 7 Ես կհայտարարեմ Տիրոջ հրամանը։ Նա ասաց Ինձ. «Դու Իմ Որդին ես, Ես այսօր ծնեցի Քեզ։ 8 Խնդրի՛ր Ինձնից և հեթանոսներին քեզ ժառանգություն կտամ ու երկրի ծայրերը՝ Քեզ ունեցվածք։ 9 Դու նրանց երկաթե գավազանով կհովվես և բրուտի անոթի պես կփշրես նրանց»։ 10 Արդ, ո՛վ թագավորներ, իմաստնացեք. խրատվեցե՛ք, ո՛վ երկրի դատավորներ։ 11 Երկյուղով ծառայե՛ք Տիրոջը Եվ դողալով ցնծացե՛ք Նրա առաջ: 12 Համբուրե՛ք Որդուն, որպեսզի Նա չբարկանա և դուք ճանապարհին չկորչեք, որովհետև շուտով կարող է բորբոքվել Նրա բարկությունը։ Երանի՜ բոլոր նրանց, ովքեր ապավինում են Նրան։