Եթե նրանց քաղցած իրենց տներն ուղարկեմ, ճանապարհին ուժասպառ կլինեն, որովհետև նրանցից ոմանք հեռվից են եկել»։
Այս համարը շարունակում է ցույց տալ Քրիստոսի կանխահաս հոգածությունը։ Նա ոչ միայն տեսնում է ներկա կարիքը, այլ նաև հետևանքը, որը կարող էր առաջանալ, եթե ժողովուրդը նույն վիճակում ճանապարհ ընկներ։ Սա վկայում է, որ Տերը միայն ներկայի Աստվածը չէ մարդու կյանքում, այլ նաև նրա ապագա քայլերի պահապանը։ Նա գիտի ճանապարհի դժվարությունը, հեռավորության ծանրությունը և մարմնի տկարությունը։ «Հեռվից են եկել» արտահայտությունը ցույց է տալիս նրանց ջանքն ու նվիրվածությունը, ինչը ինչպես տեսնում ենք, Տերը անուշադրության չի մատնում։ Աշակերտների համար սա նաև դաս է, որ ծառայությունը մարդկանց նկատմամբ չի սահմանափակվում միայն ուսուցմամբ, այլ ինչպես կտեսնենք նաև հաջորդիվ այն ներառում է կարեկցանք և գործնական օգնություն։