Մատթեոս 27:24

Պիղատոսի այս գործողությունը արտաքին ձևով արդարացման փորձ էր, բայց ներքին առումով՝ խղճի վախեցած խոստովանություն։ Նա տեսավ, որ ամբոխը չի հանդարտվում և ընտրեց հանգստությունը՝ արդարության փոխարեն։ Ձեռքերի լվացումն արտահայտում էր հրեական խորհրդանիշ՝ «մեղքից զերծ մնալու» նշան, սակայն իրական մեղքը մնում էր նրա վրա, որովհետև դատապարտությունը տրվեց իր իշխանությամբ։ Ասելով «Ես այդ Արդարի արյան համար մեղք չունեմ», նա փաստորեն ճանաչեց Հիսուսի անմեղությունը, բայց չհամարձակվեց պաշտպանել Նրան։ Այս պահը դարձավ մարդկային տկարության վկայություն, երբ մարդու խիղճը ճանաչում է ճշմարտությունը, բայց տվյալ մարդը չի գործում դրան համապատասխան ։ Պիղատոսի լվացված ձեռքերը դարձան մեղավորության խորհրդանիշ, որով մարդը փորձում է ազատվել պատասխանատվությունից: Բայց իրականությունն այն է, որ այդ մարդը չի կարող մաքրել իրեն անարդար որոշումից։