Մատթեոս 26:54

Այս խոսքը Հիսուսի հնազանդության բարձրագույն դրսևորումն է։ Նա հիշեցնում է, որ Իր ամեն քայլը կատարվում է ոչ թե պատահաբար, այլ՝ ըստ Սուրբ Գրքի նախասահմանության։ «Եթե այսպես պետք է լինի» արտահայտությունը ցույց է տալիս աստվածային ծրագրի անշեղ ընթացքը․ ոչինչ չպետք է խոչընդոտի գրվածի իրականացմանը։ Հիսուսը չի դիմադրում բռնությանը, որովհետև Նրա նպատակը փրկագործությունն է, ոչ թե ինքնապաշտպանությունը։ Այս խոսքը ցույց է տալիս հավատարմություն ոչ թե իրավիճակին, այլ Հորը՝ որպես ճշմարիտ Աստծո Որդի։ Նա գիտի, որ չարչարանքն ու խաչը ոչ թե պարտություն են, այլ խոստացված ճանապարհ դեպի փրկություն։ Այստեղ Հիսուսն իր հնազանդությամբ իրականացնում է այն, ինչ մարգարեներն էին կանխասել. «Նա որպես գառ կտարվի մորթվելու» (Եսայի 53․7)։ Այսպիսով, Հիսուսի հնազանդությունը դառնում են Սուրբ Գրքի խոսքերի կենդանի իրականացում։