Մատթեոս 22:45

Հիսուսի այս հարցը դառնում է փարիսեցիների համար լռեցնող դատողություն։ Եթե Դավիթը, Սուրբ Հոգով առաջնորդվելով, Մեսիային կոչում է «Տեր», ապա պարզ է, որ Նա չի կարող լինել պարզապես Դավթի երկրային իմաստով ժառանգ։ Այսպիսով, Հիսուսը ցույց է տալիս, որ Մեսիան միաժամանակ Դավթի որդին է՝ ըստ մարմնի և Դավթի Տերը՝ ըստ աստվածության։ Այսինքն, կարելի է եզրակացնել, որ Քրիստոսը մարդ և Աստված է միաժամանակ։ Փարիսեցիները ճանաչում էին միայն Մեսիայի մարդկային ծագումը՝ սպասելով քաղաքական առաջնորդի, իսկ Հիսուսը բացահայտում է աստվածային մեսիական իշխանությունը, որը գերազանցում է բոլոր երկրային սահմանները։ Նրա հարցը ցույց է տալիս, որ առանց հավատքի հնարավոր չէ հասկանալ մարգարեությունների խորքը․ Սուրբ Գիրքը բացվում է միայն այն մարդկանց, ովքեր ընդունում են Քրիստոսի աստվածությունը։