Մատթեոս 22:35

Փարիսեցիների մեջից առաջ է գալիս մեկը՝ օրենքի գիտուն, այսինքն՝ գրագիտություն ունեցող ու Մովսեսյան օրենքին խորապես ծանոթ մարդ։ Նրա հարցադրման նպատակը չիմացությունը չէր, այլ Հիսուսին փորձելը․ նա ցանկանում է Հիսուսին գցել ծուղակի մեջ՝ տալով հարց, որը կարող էր հակասություն առաջացնել թե՛ օրենքի տարբեր մեկնաբանների, թե՛ ժողովրդի միջև։ Օրենքի գիտակը փորձում էր չափել Աստծո Որդու իմաստությունը մարդու գիտելիքներով, սակայն ինչպես կտեսնենք հաջորդիվ հանդիպելու էր պատասխանի, որը ցույց էր տալու օրենքի էությունը՝ սերը։ Այս համարը բացահայտում է հոգևոր կուրությունը, երբ մարդ ունի գիտելիք, սակայն այդ գիտելիքը չի ծառայեցվում ճշմարտությունը ըմբռնելու, մարդկանց փրկության ճանապարհով ուղորդելու, այլ օգտագործվում է Աստծո Որդուն փորձելու համար: