Մատթեոս 19:22

Այս համարը ողբերգական շրջադարձ է Հիսուսի և պատանու զրույցում։ Նա, ով մի պահ մոտ էր հավիտենական կյանքի ճանապարհին, երբ լսում է ճշմարիտ պահանջը՝ նահանջում է։ «Տրտմած գնաց» նշանակում է, որ նրա սրտում երկվություն կար. մի կողմից ուզում էր հավիտենական կյանք, մյուս կողմից չէր կարող բաժանվել իր մեծ ունեցվածքից։ Սա մի պահ է, երբ մարդկային կամքը կանգնած է փրկության դռան առջև, բայց սիրտը չկարողանալով հրաժարվել աշխարհիկից՝ դուռը փակում է։ Նա չէր վիճում, չէր առարկում, չէր ծաղրում, պարզապես տրտմում է ու հեռանում։ Այս տխրությունը վկայում է, որ նա գիտակցեց ճշմարտությունը, բայց չունեցավ բավարար կամք հետևելու։ Այս տեսարանը ցույց է տալիս, թե ինչպես կարող է մեկը լինել Հիսուսին մոտ, բայց չհասնել Նրան, երբ նյութականը գերակշռում է հոգևորին։ Պատանու ունեցվածքը ոչ միայն գրպանում էր, այլ՝ սրտում։ Պատանին ով ասում էր թե փնտրում է հավիտենական կյանքը, գործով ցույց տվեց, որ իրականում նախընտրում է ժամանակավորը։