Մատթեոս 5:13

Այս հատվածում Հիսուսը համեմատում է իր հետևորդներին աղի հետ՝ տալով նրանց կարևոր դեր ու պատասխանատվություն այս աշխարհում։ Հիսուսը այս պատկերի միջոցով ցույց է տալիս, թե ինչքան կարևոր է հավատացյալների դերը։ Աղը, իր բնույթով, ոչ միայն համ է տալիս սննդին, այլ նաև պահպանում է այն՝ կանխելով փչացումը։ Հիսուսի հետևորդները կոչված են իրենց կյանքում և գործերում լինել ազդեցիկ՝ բերելով «համ» այս աշխարհին: Նրանք պետք է լինեն արդարության, բարոյականության պաշտպաններ՝ օգնելով պահպանել Աստծո կամքը և նրա բարոյական օրենքները: Հավատացյալները պիտի լինեն այն ուժը, որը կանխում է հասարակության բարոյական անկումը՝ ներգործելով իրենց շրջապատում՝ կյանքը դարձնելով ավելի մաքուր ու արդար: Աղը նաև խորհրդանշում է մաքրություն, ինչը նշանակում է, որ հավատացյալները պետք է ապրեն մաքուր ու բարոյական կյանքով՝ լինելով օրինակ ուրիշների համար: Նրանց գործերն ու վարքը պետք է արտահայտեն Աստծո կամքը, և նրանք պիտի միշտ ջանան սերմանել մաքրություն իրենց շուրջ: Սակայն, եթե հավատացյալները կորցնում են իրենց հավատքի ուժը և դադարում են ունենալ վերը նշված ազդեցությունները, այդ դեպքում Հիսուսը նախազգուշացնում է, որ նրանք դառնում են այդժամ «անհամ աղ», որը ոչ միայն անօգուտ է, այլ պարզապես դուրս է նետվում և ոտնակոխ լինում: Այսպիսով, Հիսուսը կոչ է անում իր հետևորդներին լինել աշխարհի վրա բարոյական ազդեցություն ունեցող մարդիկ, ովքեր իրենց հավատքով, գործերով և կյանքով կպահպանեն հասարակության առողջ ընթացքը՝ կանխելով անկումն ու անարդարությունը: