Մատթեոս 25:10

Այս խոսքում պատմության բովանդակությունը հասնում է իր որոշիչ պահին․ այն պահը, երբ Փեսան՝ Քրիստոսը, գալիս է, դառնում է բաժանման սահմանը։ Պատրաստները՝ նրանք, ովքեր պահել էին հավատքի լույսը կենդանի, մտնում են հարսանիքի վայր, որը խորհրդանշում է երկնային արքայությունը և հոգևոր միավորումը Քրիստոսի հետ։ Իսկ դռան փակվելը խորհրդանշում է դատաստանի անշրջելի պահը, երբ շնորհի ժամանակը ավարտվում է։ Սա խորը զգուշացում է, որ հավատացյալը չպետք է սպասի վերջին պահին՝ հուսալով լրացնել իր պակասը։ Երբ դուռը փակվում է, հնարավոր չէ այլևս ներս մտնել․ այդ դռնով հնարավորություն կար մտնելու մինչ փեսայի գալը նախապես վերցրած պահեստային յուղի՝ կենդանի հավատքով ձեռք բերված աստվածային շնորհի ժամանակ: Այս խոսքը ցույց է տալիս Աստծո արդարությունը և միևնույն ժամանակ հարսանիքին նախորդող ողորմությունը, որով բոլորին տրամադրվում է հնարավորություն յուղ վերցնելու, այսինքն տրվում է ժամանակ՝ պատրաստվելու։