Մատթեոս 20:33

Այս համարը, թեև կարճ է, սակայն իր մեջ ամփոփում է հավատքի ամենաանմիջական և մաքուր աղոթքը։ Կույրերը չեն խնդրում ոչ հաց, ոչ դիրք, ոչ օգնություն մարդկանցից, այլ միայն՝ լույս։ Նրանց խնդրանքը պարզ է, բայց լի՝ խոր հավատքով։ Նրանք չեն ասում՝ «Եթե կարող ես», այլ պարզապես ուղիղ ասում են՝ «թող մեր աչքերը բացվեն»՝ հավատալով, որ Նա կարող է տալ իրենց աչքերին լույս։ Այս կարճ, բայց զորավոր աղաչանքը ցույց է տալիս, թե ինչպիսին պետք է լինի իրական աղոթքը՝ պարզ, անկեղծ և ուղղված դեպի Աստծո լույսը։ Այն աղոթք է, որը դուրս է գալիս ոչ թե զուտ շրթունքներից, այլ՝ սրտի խորքից։