Մատթեոս 20:21

Այս խոսքում կնոջ խնդրանքը բացահայտվում է ամբողջությամբ։ Նրա խնդրանքը պարզ է՝ պատվավոր տեղ իր երկու որդիների համար Հիսուսի արքայության մեջ։ Սակայն այս խնդրանքը ցույց է տալիս, որ նա դեռ սխալ է հասկանում Քրիստոսի արքայության բնույթը։ Նա կարծում է, թե Հիսուսի թագավորությունը նման է երկրային իշխանության, որտեղ կան աթոռներ, աստիճաններ և առաջնայնության իրավունքներ։ Հիսուսը նրան հարցնում է՝ «Ի՞նչ ես ուզում», ոչ թե անտեղյակ լինելով, այլ նրան օգնելու, որ արտահայտի իր մտադրությունը և այս կերպ բացահայտի իր սրտի սխալ ուղղությունը։ Մոր խոսքը, թե որդիներից մեկը նստի աջ կողմում, մյուսը՝ ձախ, նշանակում է՝ թող լինեն Քո ամենամոտ և բարձրագույն դիրք ունեցող մարդիկ։ Սակայն ինչպես հաջորդիվ կտեսնենք Հիսուսի արքայությունում մեծությունը չի որոշվում պատվի կամ իշխանության, այլ ծառայության և խոնարհության չափով։ Այս դրվագը նաև ցույց է տալիս, որ երբեմն անգամ սրտի անկեղծ սերը կարող է խանգարվել երկրային մտածողությամբ։ Մայրը սիրով է մոտենում, բայց նրա ցանկությունը հակասում է Հիսուսի առաքելության էությանը։ Տերն այս խնդրանքը չի մերժում կոպտորեն, այլ շուտով այն վերածում է հոգևոր դասի՝ բացատրելով, որ նպատակը մեծ լինելը չէ, այլ՝ ծառայությունը։