Մատթեոս 15:25

Այս համարը բացահայտում է կնոջ համառ հավատքն ու խոնարհությունը։ Չնայած Հիսուսի լռությանը (համար 23) և առաջին հայացքից մերժման պես հնչող խոսքին (համար 24), կինը չհեռացավ, չնեղացավ և չկորցրեց հավատքը։ Նա ոչ միայն շարունակում է խնդրել, այլ արդեն երկրպագում է Հիսուսին՝ ճանաչելով Նրան ոչ միայն որպես օգնող, այլ՝ որպես Տեր։ Նրա աղաչանքը պարզ է, անկեղծ և խորը։ Նա չի փորձում հիմնավորել իր արժանիությունը, ոչ էլ պահանջ է ներկայացնում։ Պարզապես ապավինում է Քրիստոսի ողորմությանն ու զորությանը: Այս ամենն օրինակ է մեզ համար ևս, որ եթե երբեմն հանդիպում ենք լռության կամ փորձության պահերի, այդժամ չպետք է նահանջել ու պետք է դրսևորել չնահանջող հավատք։